عالمی شہرت یافتہ پاکستانی گلوکار عاطف اسلم نے مداح کو اسٹیج پر بلا لیا جس کی ویڈیو سوشل میڈیا پر وائرل ہوگئی۔
معروف گلوکار عاطف اسلم نے حال ہی میں ایک مہندی کی تقریب میں پرفارم کیا جس کی ویڈیو سوشل میڈیا کے مختلف پلیٹ فارم پر زیر گردش ہے۔
وائرل ویڈیوز میں سے ایک ویڈیو میں دیکھا جا سکتا ہے کہ عاطف اسلم نے بچے کو اسٹیج پر پرفارم کرنے کا موقع دے کر اسے اس کی زندگی کی ایک خوبصورت یاد دے دی۔
گلوکار کے ننھے مداح نے ان کے مشہور گانے ’عادت‘ کو اپنی آواز میں گا کر شرکاء کے دل جیت لیے۔
View this post on Instagram
اس وائرل ویڈیو کو سوشل میڈیا صارفین کی جانب سے بھی بہت پسند کیا جا رہا ہے اور عاطف اسلم کے ننھے مداح کی گلوکاری کی بھی خوب تعریفیں کی جا رہی ہیں۔
واضح رہے کہ عاطف اسلم ’عادت‘ گانے سے ہی شہرت کی بلندیوں پر پہنچے اور یہی گانا ان کی پہچان بن گیا جسے مداحوں کی جانب سے آج بھی گنگنایا جاتا ہے۔
