وزیر اعلیٰ خیبرپختونخوا سہیل آفریدی کے دورہ سندھ کے شیڈول میں تبدیلیاں کردی گئیں۔
اے آر وائی نیوز کے مطابق وزیر اعلیٰ کے پی کے دورہ سندھ میں ایک روز کا اضافہ کردیا گیا ہے اب ان کا دورہ 4 روز پر محیط ہوگا۔
پی ٹی آئی قیادت کی جانب سے نیا شیڈول کمشنر کراچی کو جمع کروادیا گیا ہے۔
سہیل آفریدی 12 جنوری کو وزیر اعلیٰ سندھ مراد علی شاہ سے ملاقات کریں گے، وہ 12 جنوری کو بھی سندھ ہائیکورٹ بار کا دورہ بھی کریں گے۔
وزیر اعلیٰ کی ایف پی سی سی آئی عہدیداران سے ملاقات منسوخ کردی گئی ہے۔
سہیل آفریدی آل کراچی تاجر اتحاد سے ملاقات کریں گے، وہ ایم ڈبلیو ایم کے مرکز کا دورہ بھی کریں گے جہاں قائدین سے ملاقات ہوگی۔
وزیر اعلیٰ 10 جنوری کو حیدرآباد کا دورہ کریں گے۔
علاوہ ازیں حکومت سندھ نے پی ٹی آئی کو کراچی کے باغ جناح میں جلسے کی اجازت دے دی ہے۔
پروگرام آف دی ریکارڈ میں ناصر حسین شاہ نے کہا کہ باغ جناح میں جلسے کی اجازت دے رہے ہیں، معاون خصوصی کے پی شفیع جان نے شکریہ ادا کرتے ہوئے کہا کہ اچھی بات ہے پنجاب حکومت جیسی تنگ نظری کا مظاہرہ نہیں کیا گیا ہے۔
