کراچی میں ڈاکوؤں نے دیدہ دلیر کا مظاہرہ کرتے ہوئے شادی کے گھر سے کئی تولے سونا اور لاکھوں روپے لوٹ لیے۔
تفصیلات کے مطابق شہرقائد کے علاقے سرجانی گلشن شیراز میں 5 ڈاکوؤں نے شادی کے گھر کا صفایا کر ڈالا، ڈاکو گھر سے لاکھوں روپے مالیت کا سونا، 5 لاکھ روپے اور اسلحہ بھی لے کر فرار ہوگئے۔
یہ بھی پڑھیں: کراچی: شادی میں ہوائی فائرنگ، پولیس دولہے کی گاڑی تھانے لے آئی
متاثرہ مکین نے پولیس کو بیان دیتے ہوئے بتایا کہ سونے کی مجموعی مالیت 40 لاکھ روپے سے زائد تھی، ملزمان اسلام آباد کی نمبر پلیٹ والی سفید کار میں سوار ہوکر آئے تھے۔
ملزمان نے گھروالوں کو زدکوب کیا اور خواتین سے بدتمیزی بھی کی، پولیس نے بتایا کہ واقعےکی اطلاع موصول ہوئی ہے، مقدمہ درج کیا جارہا ہے۔
