حج 2026 کے حوالے سے سعودی عرب کے ڈیڈ لائن کا آج آخری روز ہے تاہم حج ڈیوٹی پر معمور عملے کے پاسپورٹ، دیگر کوائف مکمل نہ ہو سکے۔
ذرائع نے بتایا کہ حج ڈیوٹی پر مامور ویلفیئر اسٹاف کے پاسپورٹ نہ بنوائے جانے کا انکشاف سامنے آیا ہے، عملے کے پاسپورٹ اور دیگر کوائف بروقت مکمل نہ ہوسکے، میڈیکل مشن امیدواروں کے تحریری امتحان کے نتائج کل صبح موصول ہوئے
یہ بھی پڑھیں: حج 2026 کتنے کا ہو گا؟ درخواستیں دینے کی تاریخ کا اعلان
اس سلسے میں ذرائع نے مزید بتایا کہ حج معاونین تحریری امتحان کے نتائج کل رات وزارت کو ملے، کوائف و دستاویزات ڈیڈ لائن سے دو روز قبل طلب کی گئیں۔
معاونین کو متعلقہ حکام کی جانب سے ہدایت کی گئی ہے کہ پاسپورٹ اور دیگرکوائف چند گھنٹوں میں فراہم کیے جائیں۔
یہ بات قابل ذکر ہے کہ حج پالیسی کی وفاقی کابینہ نے جولائی میں منظوری دی تھی جبکہ مراسلے میں کہا گیا ہے کہ ویلفیئر اسٹاف کے پاسپورٹ آج تک اپ لوڈ کرنے ضروری ہیں۔
حج 2026 انتظامات: سعودی عرب اور پاکستان میں معاہدہ طے پا گیا
