کراچی(24 اگست 2025): ماہ ربیع الاوّل کا چاند دیکھنے کے لیے مرکزی رویت ہلال کمیٹی کا اجلاس آج کراچی میں ہوگا۔
محکمہ موسمیات کے مطابق ماہ ربیع الاوّل کا چاند دیکھنے کے لیے مرکزی رویت ہلال کمیٹی کا اجلاس آج کراچی میں ہوگا، اجلاس کی صدارت چیئرمین مرکزی رویت ہلال کمیٹی مولانا عبدالخبیر آزاد کریں گے۔
محکمہ موسمیات کا کہنا ہے کہ رویت ہلال کمیٹی کا مرکزی اجلاس نماز عصر کے بعد میٹ آفس کراچی میں ہوگا، رویت ہلال کمیٹی کراچی کے ممبران، وزارت مذہبی امور کے نمائندے شریک ہوں گے۔
اس کے علاوہ سپارکو، محکمہ موسمیات، وزارت سائنس اینڈ ٹیکنالوجی کے نمائندگان بھی شریک ہوں گے، اسلام آباد، لاہور، کوئٹہ، پشاور سمیت دیگر علاقوں میں زونل کمیٹیوں کے اجلاس ہونگے۔
محیکمہ موسمیات کا مزید کہنا ہے کہ چاند کی رویت کا حتمی اعلان چیئرمین رویت ہلال کمیٹی مولانا عبدالخبیر آزاد کریں گے۔
دوسری جانب سعودی عرب میں ہجری مہینے ربیع الاول کا چاند نظر آگیا اور یکم ربیع الاول 1447 ہجری 24 اگست 2025 کو ہوگا، حرمین کے ایکس اکاؤنٹ میں تصویر کے ساتھ لکھا کہ ربیع الاول کا چاند نظر آنے پر مکہ میں کلاک ٹاور کو روشن کرکے ربیع الاول آنے کی خبر دی گئی ہے۔
The clock tower signals the entry into the month of Rabbi Al Awwal 1447. pic.twitter.com/ZZ2dSqZFsx
— Inside the Haramain (@insharifain) August 23, 2025
