یاسر حسین نے شادی کی چھٹی سالگرہ پر دلچسپ پوسٹ شیئر کرتے ہوئے اپنی اہلیہ اداکارہ اقرا عزیز کی ہمت کی داد دی ہے۔
فوٹو اینڈ ویڈیو شیئرنگ ایپ انسٹاگرام پر پوسٹ شیئر کرتے ہوئے اداکار یاسر حسین نے لکھا کہ “دیکھا ایک خواب تو یہ سلسلے ہوئے، 6 سال ایسے گزر گئے جیسے ٹھنڈی ہوا کا جھونکا”، ساتھ ہی انھوں نے طنزیہ انداز میں کےٹو پہاڑ کا بھی حوالہ دیا۔
یاسر حسین نے مزید لکھا کہ شادی کی سالگرہ مبارک ہو اقرا عزیز مجھے برداشت کرنے کےلیے، میں آپ سے بہت زیادہ پیار کرتا ہوں۔
انھوں نے لکھا کہ اللہ کرے یہ ساتھ ہمیشہ قائم رہے آمین، ساتھ ہی اداکار نے تمام مداحوں سے درخواست بھی کی کہ سب اس پر آمین کہیں۔
ساتھ ہی یاسر حسین نے اقرا عزیز اور اپنی بہت ساری تصویر شیئر کیں جس میں ان دونوں کی بہترین کیمسٹری نظر آرہی ہے۔
اس سے قبل اداکار یاسر حسین نے اہلیہ اقرا عزیز کی سالگرہ پر بھی محبت بھرا پیغام شیئر کیا تھا اور اپنی اہلیہ کے ساتھ کچھ خوبصورت تصاویر شیئر کی تھیں۔
ڈرامہ محنت سے بنتا ہے اور دو، تین لوگ نمبر دے کر خراب دیتے ہیں، یاسر حسین
