کراچی: نیشنل سائبر کرائم انویسٹی گیشن ایجنسی نے شاہ فیصل کالونی میں کارروائی کرتے ہوئے غیرقانونی سمز ایکٹیوٹ کرنے والے گروہ کے رکن کو گرفتار کرلیا۔
اے آر وائی نیوز کے مطابق این سی سی آئی اے نے نجی موبائل کمپنی کی فرنچائز سے غیرقانونی سمز ایکٹیویٹ کرنے والے گروہ کے رکن کو گرفتار کیا ہے، فرنچائز منیجر ساتھیوں کی ملی بھگت سے بی وی ایس ڈیوائسز سے غیرقانونی سمز ایکٹیویشن کرتا تھا۔
ترجمان کا کہنا ہے کہ ملزمان نے یکم مارچ سے 31 مئی 2025 کی مدت میں 379 سمز ایکٹیوٹ کیں۔
یہ پڑھیں: خواتین کے شناختی کارڈز پر غیر قانونی سمز ایکٹیو کرانے کا انکشاف
ایکٹویٹ کردہ سمز میں سے 347 سمز پنجاب کے شناختی کارڈ پر ایکٹیویٹ کی گئیں، شناختی کارڈز کے حامل مرد و خواتین نے کراچی سے سم ایکٹیویشن پر لاعلمی کا اظہار کیا۔
این سی سی آئی اے کی کارروائی کے دوران فرنچائز سینٹر سے ڈیجیٹل آلات بھی برآمد کئے گئے، پی ٹی اے کی تحریری شکایت پر کی گئی کارروائی میں گرفتار کیے گئے ملزم سے مزید تفتیش جاری ہے۔
