کراچی : ڈی آئی جی ٹریفک کراچی سید پیر محمد شاہ نے کہا ہے کہ ای چالان اگر تین ماہ تک جمع نہیں کروایا گیا تو ڈرائیونگ لائسنس منسوخ کردیا جائے گا۔
اے آر وائی پوڈ کاسٹ میں میزبان ایاز سموں سے خصوصی گفتگو کرتے ہوئے انہوں نے بتایا کہ ہم نے سب کو 30 پوائنٹس دے دیے ہیں، جس کے بعد ٹریفک قوانین کی ہر خلاف ورزی پر وہ پوائنٹس بدتریج کم ہوتے چلے جائیں گے۔
اور جب یہ پوائنٹس ختم ہوجائیں گے تو اس کے بعد چھوٹی گاڑی کے ڈرائیور کا لائسنس 3 مہینے کیلیے اور بڑی گاڑی کا لائسنس 6 ماہ تک بلاک کردیا جائے گا، جس کے بعد شہری کو نئے لائسنس کیلیے از سر نو درخواست دینا ہوگی۔
انہوں نے بتایا کہ اگر ای چالان جمع کرانے کی مدت 21 دن ہے اگر 14 دن میں ادائیگی کی جائے تو جرمانے میں 50فیصد کمی کی جائے گی اور 22 ویں دن چالان کی رقم دگنا ہوجائے گی۔
یعنی اگر چالان 5ہزار کا ہے تو ڈھائی ہزار ہوگا اور آخری تاریخ کے بعد یہی چالان 10 ہزار روپے ہوجائے گا اور چالان تین ماہ تک جمع نہیں کرایا تو لائسنس معطل اور 6 ماہ تک نہ بھرا گیا تو شناختی کارڈ بلاک ہوگا۔
واضح رہے کہ ڈی آئی جی ٹریفک کراچی سید پیر محمد شاہ کی متحرک قیادت اور شہری دوست پالیسی کے باعث ٹریفک پولیس کراچی میں کئی جدید سہولیات متعارف کرا چکی ہے، جس میں یہ نئی موبائل ورکشاپ بھی شامل ہے، ٹریفک پولیس کراچی عوام کی خدمت کے لیے ہر دم تیار ہے۔
