شوبز انڈسٹری کے معروف اداکار کامران جیلانی نے اہلیہ سے پہلی ملاقات کا احوال سنا دیا۔
اداکار کامران جیلانی نے حال ہی میں نجی ٹی وی کے مزاحیہ شو میں شرکت کی اور اس دوران مختلف موضوعات پر اظہار خیال کیا۔
اہلیہ سے پہلی ملاقات کا بتاتے ہوئے انہوں نے کہا کہ ہم نے انٹرنیٹ پر بات چیت کی اور آرکٹ پر ملے، میں ان چیزوں میں تھوڑا شرمیلا ہوں لیکن ہمارا ایک دوست تھا جس نے انٹرنیٹ استعمال کرنا سکھایا۔
کامران جیلانی نے کہا کہ آرکٹ پر بات کرنے کے بعد نمبروں کا تبادلہ کیا، وہ راولپنڈی میں رہتی تھیں اور بعد میں، میں اسلام آباد چلا گیا، پھر وہ کراچی آگئیں جہاں ہماری دوبارہ ملاقات ہوئی اور سات ماہ میں ہماری شادی ہوگئی۔
اداکار نے کہا کہ اچھی بیویاں آپ کے اندر مثبت تبدیلی لاتی ہیں اور میرے معاملے میں یہ سچ ہے، اہلیہ نے مجھے بہتر انسان بنانے میں بہت مدد فراہم کی، ان کی ڈریسنگ سینس بھی بہت اچھی ہے۔
انہوں نے بتایا کہ میرا جو موجودہ ڈریسنگ اسٹائل ہے وہ اہلیہ نے ہی ترتیب دیا ہے۔
