ایس ایس پی چوہدری اسلم کی بیوہ نورین اسلم نے شہید شوہر پر فلم بنانے کا اعلان کردیا۔
کراچی پریس کلب میں اے آر وائی نیوز سے گفتگو کرتے ہوئے ایس ایس پی چوہدری اسلم کی بیوہ نے کہا کہ بھارت میں فلم ’دھریندر‘ ہماری فوج کے خلاف بنائی گئی ہے ہمیشہ ان کے دل کیا ہیں کبھی بھی پاکستان کے لیے کلیئر نہیں ہیں۔
نورین اسلم نے کہا کہ انہیں فلم بنانی تھی تو ٹی ٹی پی پر بناتے صرف لیاری پر فلم بنا دی۔
یہ پڑھیں: ایس ایس پی چوہدری اسلم میں فلمی ہیرو کی جھلک
انہوں نے کہا کہ چوہدری اسلم نے بڑے کردار ادا کیے ہیں ہم فلم بنائیں گے یا پھر اسے ڈرامے کی صورت میں لائیں گے کیونکہ بھارت نے شوہر کے کردار کو لیاری تک ہی محدود کردیا۔
نورین اسلم نے کہا کہ چوہدری اسلم کا کردار صرف لیاری تک محدود نہیں تھا وہ کتنے بڑے انسان تھے یہ ہم بتائیں گے۔
