فلپائن میں عمارت گرنے سے کم از کم ایک شخص ہلاک اور 21 افراد لاپتہ ہوگئے۔
فلپائن میں اتوار کے روز زیر تعمیر عمارت گرنے کے بعد کم از کم ایک شخص کی موت کی تصدیق ہو گئی۔ حکام نے بتایا کہ امدادی کارکنوں نے لاپتہ ہونے والے 21 افراد کی تلاش کے لیے ملبہ ہٹایا جا رہا ہے۔
دارالحکومت منیلا کے شمال میں واقع شہر اینجلس میں کثیر المنزلہ عمارت کے گرنے کی وجہ جاننے کے لیے تحقیقات کا آغاز کر دیا گیا ہے۔
جائے وقوعہ پر امدادی کارکنوں کو کنکریٹ کے سلیبوں اور ٹوٹے ہوئے اسٹیل کے ٹیلے پر چڑھتے ہوئے دیکھا جا سکتا ہے جب وہ زندہ بچ جانے والوں کی تلاش کر رہے ہیں۔ انہوں نے تربیت یافتہ ریسکیو کتوں، دل کی دھڑکنوں کا پتہ لگانے والے آلات اور ملبے کو چھاننے کے لیے بھاری سامان استعمال کیا۔
حکام نے بتایا کہ مرنے والا شخص 65 سالہ ملائیشیا کا شہری تھا جس کی لاش پڑوسی عمارت جو کہ ایک ہوٹل تھا اس سے برآمد ہوئی تھی- جو کہ گرنے سے بھی متاثر ہوئی۔
ریجنل بیورو آف فائر پروٹیکشن کی انفارمیشن آفیسر ماریا لیہ سجیلی نے ایک پریس بریفنگ میں بتایا کہ جن 21 افراد کے لاپتہ ہونے کی اطلاع ملی ہے، ان میں سے پانچ افراد کے پھنسے ہونے کی تصدیق ہوئی ہے۔
پانچ میں سے دو امدادی کارکنوں کے ساتھ بات چیت کر رہے تھے لیکن دیگر کی حالت فوری طور پر واضح نہیں ہو سکی تھی۔
