سیکیورٹی فورسز نے ڈی آئی خان کے علاقے کلاچی میں انٹیلی جنس بیسڈ آپریشن کے دوران 2 خوارج کو جہنم واصل کردیا۔
آئی ایس پی آر نے جاری بیان میں بتایا کہ کلاچی میں آپریشن کے دوران دہشتگرد دلاور سمیت 2 خوارج کو ہلاک کیا گیا، انتہائی مطلوب ہلاک دہشتگرد دلاور دہشتگردی کی متعدد کارروائی میں ملوث تھا۔
فوج کے شعبہ تعلقات عامہ نے بتایا کہ حکومت نے ہلاک دہشتگرد دلاور پر 40 لاکھ روپے کی رقم مقرر کی تھی، ہلاک خوارج سے اسلحہ اور گولہ بارود بھی برآمد کیا گیا۔
ہلاک خوارج سیکیورٹی فورسز پر حملوں، شہریوں کے قتل میں بھی ملوث تھا، ممکنہ بھارتی اسپانسرڈ خوارج کے خاتمے کیلئے کلیئرنس آپریشن جاری ہے۔
آئی ایس پی آر نے جاری بیان میں مزید بتایا کہ سیکیورٹی فورسز ملک کو غیرملکی حمایت یافتہ دہشتگردوں سے پاک کرنے کیلئے پُرعزم ہے۔
لکی مروت میں فتنہ الخوارج کیخلاف کارروائی، انتہائی مطلوب کمانڈر برکت اللہ ماراگیا
