سرگودھا میں کرنٹ لگنے سے تین بھائیوں کی جان چلی گئی، افسوسناک واقعہ طالِب کالونی 78 پل کے قریب گھر میں تعمیراتی کام کے دوران پیش آیا۔
اے آر وائی نیوز کی رپورٹ کے مطابق ایک گھر کی چھت پر تعمیراتی کام کرنے والوں کو اوپر سے گزرنے والے گیارہ سو کے وی بجلی کے تار سے کرنٹ لگا، ریسکیو ذرائع نے بتایا ایک شخص کو کرنٹ لگنے پر اسے بچانے کے لیے اس کے دو بھائی آگے بڑھے۔
فوری بعد ہی تینوں شدید کرنٹ کی لپیٹ میں آ گئے اور جان نکلنے کے بعد ہی کرنٹ نے انہیں چھوڑا، مرنے والوں کی شناخت ساجد مسیح، عابد مسیح اور آصف مسیح کے نام سے ہوئی ہے۔
لاشوں کو ڈاکٹر فیصل مسعود ٹیچنگ اسپتال منتقل کر دیا گیا ہے، سرگودھا پولیس حکام کے مطابق واقعے کی مزید تحقیقات کی جارہی ہیں۔
