سوات (5 جولائی 2026): شکردرہ میں عوامی نیشنل پارٹی (اے این پی) کے مقام رہنما نعمت علی خان قاتلانہ حملے میں زخمی ہوگئے۔
پولیس حکام کے مطابق نامعلوم مسلح افراد نے رہنما اے این پی کے گھر پر فائرنگ کی، جس کے نتیجے میں نعمت علی خان سمیت 4 افراد زخمی ہوئے، زخمی ہونے والوں میں ان کا بیٹا، بھتیجا اور ریسکیو اہلکار شامل ہیں۔
پولیس حکام نے بتایا کہ نامعلوم افراد نے زخمیوں کو ریسکیو کرنے والے امدادی کارکنوں، اور واقعے کی اطلاع ملنے پر موقع پر پہنچنے والی پولیس نفری پر بھی فائرنگ کی، فائرنگ سے بکتر بند گاڑی کو نقصان پہنچا، تاہم ڈی ایس پی ظیراب گل بال بال بچ گئے۔
یہ بھی پڑھیں: کراچی میں جے یو آئی کے رہنما فائرنگ سے شدید زخمی
انہوں نے مزید بتایا کہ واقعے کے تمام زخمیوں کو مٹہ اسپتال منتقل کر دیا گیا، پولیس کی بھاری نفری نے علاقے کا محاصرہ کر رکھا ہے، جبکہ ملزمان کی گرفتاری کیلیے سرچ آپریشن جاری ہے۔
