پاکستانی طالبات نے کیمبرج آؤٹ اسٹینڈنگ لرنر ایوارڈز 2025 میں نمایاں کامیابی حاصل کر کے ملک و قوم کا نام فخر سے بلند کر دیا۔
اے آر وائی نیوز کے پروگرام باخبر سویرا میں لائبہ علی اور مومنہ سلمان نے بتایا کہ وہ پاک ترک معارف انٹرنیشنل اسکولز اینڈ کالجز اور آصفہ عرفان گرلز کیمپس لاہور کی طالبات ہیں۔
انہوں نے بالترتیب ریاضی اور کامرس کے مضامین میں ورلڈ ٹاپ پوزیشن حاصل کی، اپنی کامیابی پر اظہارِ خیال کرتے ہوئے ورلڈ ٹاپ اِن میتھمیٹکس لائبہ علی نے کہا کہ ان کی کامیابی اساتذہ کی مسلسل رہنمائی اور حوصلہ افزائی کا نتیجہ ہے۔
ورلڈ ٹاپ ان کامرس مومنہ سلمان نے اپنی کامیابی کا سہرا اسکول کے مضبوط تعلیمی نظام، اساتذہ کی ذاتی رہنمائی اور اساتذہ و والدین کی مستقل حوصلہ افزائی کو قرار دیا۔
