دبئی پولیس نے امریکی اور چینی اہلکاروں کے ساتھ بین الاقوامی سطح پر سرگرم ایک بڑے فراڈ نیٹ ورک کے خلاف کارروائی کرتے ہوئے276 ملزمان کو گرفتار کرلیا۔
دبئی پولیس حکام کے مطابق امریکی ایف بی آئی اور چینی پولیس کے ساتھ مل کر مشترکہ کارروائی کی گئی، آپریشن ’’ٹرائی فورس سیننٹینل‘‘کے دوران مجموعی طور پر 276 ملزمان کو حراست میں لیا گیا۔
دبئی پولیس کے مطابق گرفتار ملزمان میں سے بیشتر کا تعلق جنوب مشرقی ایشیا سے ہے، گرفتار افراد ایک بڑے بین الاقوامی فراڈ نیٹ ورک کا حصہ تھے۔
In a high-impact international crackdown on transnational organized financial crime, Dubai Police have carried out a coordinated global operation, codenamed “Tri-Force Sentinel”, in partnership with the Federal Bureau of Investigation (FBI) and the Chinese Police, leading to the… pic.twitter.com/TU1DBT2QlZ
— Dubai Policeشرطة دبي (@DubaiPoliceHQ) April 29, 2026
کارروائی 3مجرمانہ گروہوں کے خلاف کی گئی تھی جو دھوکہ دہی کے 9 جدید مراکز چلارہے تھے، مذکورہ گروہ جعلی منافع والی سرمایہ کاری اورکرپٹو کرنسی دھوکہ دہی میں ملوث تھے۔
مشترکہ کارروائی میں سرحد پار انٹیلی جنس معلومات کے فوری تبادلے کو ممکن بنایا گیا، گروہ کے ایک اہم سرغنہ کو رائل تھائی پولیس کے تعاون سے تھائی لینڈ میں گرفتار کرلیا گیا ہے۔
دبئی پولیس کے مطابق گروہ سوشل انجینئرنگ کے ذریعے عالمی سطح پر شہریوں کو نشانہ بناتا تھا، مالی فراڈ کے ذریعے مختلف ممالک کے افراد کو منظم طریقے سے لوٹا جاتا تھا۔
آپریشن ’’ٹرائی فورس سینٹینل‘‘سرحد پار مالی جرائم کیخلاف ہماری کوششوں کاحصہ ہے،کامیاب کارروائی عالمی اداروں کے ساتھ تعاون اور عالمی معیشت کے تحفظ کے عزم کا اظہار ہے۔
