راولپنڈی: بابر اعظم کی شاندار سنچری کی بدولت پاکستان نے سری لنکا کو دوسرے ون ڈے میچ میں 8 وکٹوں سے شکست دے کر سیریز میں 2-0 کی فیصلہ کن برتری حاصل کرلی۔
راولپنڈی میں کھیلے گئے میچ میں پاکستان نے سری لنکا کی جانب سے دیا جانے والا 289 رنز کا ہدف 48.2 اوورز میں 2 وکٹوں کے نقصان پر حاصل کرلیا۔
بابر اعظم نے 26 ماہ بعد انٹرنیشنل کرکٹ میں سنچری بنائی ہے، انہوں نے 20 سنچریاں بنا کر سعید انور کا ریکارڈ برابر کردیا، بابر اعظم کم اننگز میں 20 سنچریاں بنانے والے پاکستانی کھلاڑی بن گئے ہیں۔
Calm and in complete control @babarazam258 anchors Pakistan’s chase
Watch live in the UK region, sign up now at https://t.co/Z0RXSR7gYM#PAKvSL | #JeetKaScene | #BackTheBoysInGreen pic.twitter.com/13WbUR1o9l
— Pakistan Cricket (@TheRealPCB) November 14, 2025
بابر اعظم نے 119 گیندوں پر 102 رنز کی ناقابل شکست اننگز کھیلی، ان کی اننگ میں 8 چوکے شامل تھے، محمد رضوان 51 رنز بنا کر ناٹ آؤٹ رہے، فخر زمان 78 اور صائم ایوب 33 رنز بنا کر آؤٹ ہوئے۔
سری لنکا کی جانب سے دشمنتھا چمیرا نے دونوں وکٹیں حاصل کیں۔
مہمان ٹیم نے مقررہ 50 اوورز میں 8 وکٹوں کے نقصان پر 288 رنز بنائے ہیں اور گرین شرٹس کو جیت کے لیے 289 رنز کا ہدف دیا تھا۔
3️⃣ wickets apiece for Haris Rauf and Abrar Ahmed
Pakistan are set a target of 289 in the second ODI
Watch live in the UK region, sign up now at https://t.co/Z0RXSR7gYM#PAKvSL | #JeetKaScene | #BackTheBoysInGreen pic.twitter.com/llgQfx6Ma9
— Pakistan Cricket (@TheRealPCB) November 14, 2025
سری لنکا کی جانب سے اننگ کا آغاز پتھم نسانکا اور کمیل مشارا نے کیا اور 51 رنز کی اوپننگ پارٹنر شپ قائم کی۔ اس موقع پر نسیم شاہ کی تھرو پر محمد رضوان نے تیزی سے بیلز اڑا کر پتھم نسانکا 24 کے انفرادی اسکور پر رن آؤٹ کر کے پاکستان کو پہلی کامیابی دلائی۔
کمیل مشارا کو محمد رضوان نے ابرار احمد کی گیند پر اسٹمپ آؤٹ کیا۔ انہوں نے 27 رنز بنائے۔ مسٹری اسپنر نے اوپر تلے وکٹ کیپر بیٹر کوشل مینڈس اور کپتان چترا اسالانکا کو پویلین بھیج کر سری لنکا کے بڑھتے قدم روکے۔
Abrar spins a web over the Sri Lanka batters ️
Asalanka fails to read this magical delivery!
Watch live in the UK region, sign up now at https://t.co/Z0RXSR7gYM#PAKvSL | #JeetKaScene | #BackTheBoysInGreen pic.twitter.com/tEHbryT8rM
— Pakistan Cricket (@TheRealPCB) November 14, 2025
حارث رؤف نے خطرہ بننے والے سدیرا سمارا وکراما کو 42 رنز پر بولڈ کیا اور اس کے بعد کامنڈومینڈس کو 44 رنز پر صائم ایوب کی مدد سے پویلین کا راستہ دکھایا۔
اس موقع پر نصف سنچری مکمل کرنے والے جنتھ لیانگا کو وسیم جونیئر نے 54 رنز پر آؤٹ کیا تو اگلے ہی اوور میں حارث رؤف نے دشمانتھا چمیرا کو صفر پر ایل بی ڈبلیو آؤٹ کر کے اپنی تیسری وکٹ بنایا۔
CASTLED
Haris Rauf gets the set batter with a feisty delivery!
Watch live in the UK region, sign up now at https://t.co/Z0RXSR7gYM#PAKvSL | #JeetKaScene | #BackTheBoysInGreen pic.twitter.com/TLYovKj4wx
— Pakistan Cricket (@TheRealPCB) November 14, 2025
244 رنز پر 8 وکٹیں گرنے کے بعد ونندو ہاسارنگا اور پرامود مدھوشن نے نویں وکٹ کے لیے ناقابل شکست 44 رنز جوڑ کر مقررہ 50 اوورز میں ٹیم کا اسکور 288 تک پہنچایا۔ ہاسارنگا نے 26 گیندوں پر 37 رنز بنائے جب کہ مدھوشن نے 11 رنز بنا کر ان کا ساتھ دیا۔
پاکستان کی جانب سے ابرار احمد سب سے کامیاب بولر رہے جنہوں نے 41 رنز دے کر تین وکٹیں حاصل کیں۔ حارث رؤف نے تین کھلاڑیوں کو پویلین بھیجا، تاہم اس کے لیے انہوں نے 66 رنز دیے۔ وسیم جونیئر نے 50 رنز دے کر ایک وکٹ اڑائی۔
واضح رہے کہ تین ایک روزہ میچوں کی سیریز میں پاکستان کو ایک صفر کی برتری حاصل ہے اور سری لنکا کو شکست سے بچنے کے لیے آج کے میچ میں فتح لازمی درکار ہے۔
ون ڈے سیریز کے بعد زمبابوے کے اشتراک سے تین ملکی ٹی 20 سیریز کھیلی جائے گی۔ زمبابوے کی ٹیم بھی پاکستان پہنچ چکی ہے۔
