کراچی : انٹر ٹیکسٹائل شنگھائی اپیرل فیبرکس، اسپرنگ ایڈیشن 2026 اور یارن ایکسپو اسپرنگ 2026 آج شنگھائی کے نیشنل ایگزہبیشن اینڈ کنونشن سینٹر میں کامیابی کے ساتھ اختتام پذیر ہوگئے۔
تین روزہ نمائشوں میں دنیا بھر سے ٹیکسٹائل مینوفیکچررز، سپلائرز، ڈیزائنرز اور خریداروں نے شرکت کی۔
یہ دونوں نمائشیں ٹیکسٹائل اور ملبوسات کی صنعت کے لیے عالمی سطح کے اہم پلیٹ فارمز میں شمار ہوتی ہیں، جہاں یارن، فیبرکس، ایکسیسریز اور پائیدار ٹیکسٹائل جدتوں میں ہونے والی تازہ ترین پیش رفت کو پیش کیا گیا۔
نمائش کے موقع پر عالمی خریداروں اور سپلائرز کے درمیان روابط کو بھی فروغ دیا گیا، ان نمائشوں میں پاکستان کی چار کمپنیوں نے شرکت کی۔
تین روزہ نمائش کے دوران کمپنیوں نے اپنی جدید یارن اور فیبرکس کلیکشنز، اختراعی پیش رفت اور پائیدار ٹیکسٹائل حل عالمی خریداروں اور سورسنگ ماہرین کے سامنے پیش کیے۔
پاکستانی نمائش کنندگان کو اس ایونٹ میں مثبت تجربہ حاصل ہوا اور بین الاقوامی خریداروں کی جانب سے بھرپور دلچسپی دیکھنے میں آئی، جس کے ساتھ ساتھ قیمتی نیٹ ورکنگ مواقع بھی حاصل ہوئے، اس شرکت نے عالمی ٹیکسٹائل مارکیٹ میں پاکستان کی اہم حیثیت کو مزید اجاگر کیا۔
ان نمائشوں کا کامیاب اختتام ایک بار پھر اس بات کو واضح کرتا ہے کہ بین الاقوامی تجارتی نمائشیں ٹیکسٹائل صنعت میں تعاون، جدت اور ترقی کو فروغ دینے میں اہم کردار ادا کرتی ہیں۔
