نیویارک : دنیا کے امیر ترین شخص ایلون مسک نے امریکہ کی جانب سے متنازع حملے کے بعد وینزویلا میں مفت انٹرنیٹ سروس دینے کا اعلان کردیا۔
سماجی رابطے کی ویب سائٹ ایکس پر اپنے بیان میں ایلون مسک نے لکھا کہ وینزویلا میں 3 فروری سے مفت انٹرنیٹ سروس فراہم کریں گے۔
امیکی میڈیا رپورٹ کے مطابق ایلون مسک نے سٹار لنک کی پوسٹ شیئر کرتے ہوئے کہا کہ وینزویلا میں مسلسل رابطے کو یقینی بنانے کے لیے فری انٹرنیٹ دینے کا فیصلہ کیا گیا ہے۔
یاد رہے کہ امریکا نے وینزویلا پر حملہ کرکے صدر نکولس مادورو اور ان کی اہلیہ کو پکڑ کر امریکا منتقل کردیا ہے۔
امریکی صدر ڈونلڈ ٹرمپ نے کہا ہے کہ وینزویلا میں حکومت کی تبدیلی تک ملک کا نظام امریکا چلائے گا۔
یہ اقدام ایسے وقت میں کیا گیا ہے جب امریکا نے وینزویلا میں ایک بڑے پیمانے پر کارروائی کرتے ہوئے صدر نکولس مادورو کو گرفتار کیا۔
امریکی آپریشن کے بعد دارالحکومت کراکس اور قریبی ریاست مرانڈا کے بعض علاقوں میں بجلی اور انٹرنیٹ کی بندش کی اطلاعات سامنے آئی تھیں۔
