ترک صدر رجب طیب اردوان نے کہا ہے کہ ہم اپنے خطے میں خونریزی کو روکنے کےلیے کوشش کر رہے ہیں۔
اپنے بیان میں انہوں نے کہا کہ جنگ کو بڑھنے سے روکنے کےلیے پوری کوشش کر رہے ہیں ہم نے کل اپنی سرزمین پر ایک میزائل مار گرایا جس سے سب کو بتا دیا کہ ایسے واقعات دوبارہ نہیں ہونے چاہئیں ہم اپنے ملک کی حفاظت کےلیے ضروری اقدامات کر رہے ہیں۔
صدر اردوان نے بتایا کہ خطرے کو ختم کرنے کےلیے اپنے اتحادیوں کے ساتھ رابطہ کر رہے ہیں مغرب ایک بار پھر محض یہ دیکھ رہا ہےکہ ہمارے خطے میں کیا ہو رہا ہے۔
اس سے قبل انقرہ میں ترک فوجیوں کے اعزاز میں منعقدہ افطار ڈنر سے خطاب کرتے ہوئے صدر اردوان نے واضح کیا کہ ترکی اپنی سرحدوں اور قوم کے تحفظ کے لیے مکمل طور پر تیار ہے۔
صدر اردوان نے اپنے خطاب میں انکشاف کیا کہ ایرانی حملوں کا جواب دینے اور خطے کی صورتحال پر قابو پانے کے لیے نیٹو (NATO) اتحادیوں کے ساتھ تفصیلی مشاورت کی گئی ہے اور ان کی مشاورت سے فوری طور پر تمام ضروری دفاعی اقدامات اٹھائے جا چکے ہیں۔
ترک صدر نے سخت لہجہ اختیار کرتے ہوئے کہا کہ ”ہم اس طرح کے واقعات کو دوبارہ ہونے سے روکنے کے لیے واضح طور پر وارننگ دے رہے ہیں ”۔
