لاس اینجلس : معروف فلم ساز جوش سیفڈی کی فلم “مارٹی سپریم” کا پہلا ٹریلر جاری کردیا گیا ہے، جس میں ٹموتھی شالامی مرکزی کردار میں جلوہ گر ہیں۔
فلم کی کہانی ایک نوجوان ٹینس پلئیر کے گرد گھومتی ہے، جس کے خوابوں کو کوئی اہمیت نہیں دیتا لیکن وہ چمپئین بننے کا عزم لے کر اپنی مسلسل محنت اور لگن سے اپنی تمام تر کوششیں جاری رکھتا ہے۔
اس فلم کی کہانی حقیقی زندگی کے پنگ پونگ اسٹار مارٹی رائزمین سے متاثر ہوکر لکھی گئی ہے، جو پانچ بار ورلڈ ٹیبل ٹینس چیمپیئن شپ میں کانسی کا تمغہ جیت چکے تھے، ان کا انتقال 2012 میں ہوا تھا۔
فلم میں ٹموتھی شالامی مارٹی ماوزر کا کردار نبھا رہے ہیں، جس کی کہانی 1950 کی دہائی میں ترتیب دی گئی ہے۔
شالامی کے ساتھ اداکارہ گوینتھ پیلٹرو بھی اہم کردار میں نظر آئیں گی، جو فلم میں بھی ایک مشہور فلمی اداکارہ بنی ہیں اور کہانی کے مطابق مارٹی سے خفیہ معاشقہ کر بیٹھتی ہیں۔
فلم کے دیگر نمایاں اداکاروں میں فرین ڈریشر (مارٹی کی والدہ کے طور پر)، مشہور ریپر ٹائلر، دی کریئیٹر، جادوگر پین جلیٹ، اداکارہ اوڈیسا آزیون، “شارک ٹینک” کے کیون او لیری (مسٹر ونڈرفل) اور ہدایت کار ایبل فیرا شامل ہیں۔
نوجوان کی مسلسل ناکامی کے بعد کامیابی کی کہانی 25 دسمبر کو کرسمس کے موقع پر دنیا بھر کے سنیماؤں کے پردے کی زینت بنے گی۔
