ٹِک ٹاک نے ایک نیا فیچر متعارف کرایا ہے، جس کے ذریعے صارفین اب براہِ راست فلموں کے ٹکٹ خرید سکتے ہیں۔
سماجی میڈیا کی سب سے مقبول ایپ ٹک ٹاک نے آن لائن مووی ٹکٹنگ سروس فینڈینگو کے ساتھ ایک منفرد شراکت داری کا اعلان کیا ہے، ٹک ٹاک نے ایپ میں ایک نیا فیچر متعارف کرایا ہے، جس کے ذریعے صارفین اب براہِ راست فلموں کے ٹکٹ خرید سکتے ہیں۔
یہ نیا فیچر ٹک ٹاک اسپاٹ لائٹ کے ذریعے فعال کیا گیا ہے، اس سے پہلے، #FilmTok اور #MovieTok کمیونٹیز میں صارفین فلمیں زیر بحث لاتے اور ان کی تشہیر کرتے تھے، لیکن ٹکٹ خریدنے کا عمل اکثر پیچیدہ ہوتا تھا۔ اب متعلقہ مواد کے ساتھ ایک “Get Tickets” بٹن دکھایا جائے گا، جو صارفین کو ٹریلر یا ریویو دیکھنے سے لے کر مقامی سینما میں سیٹ بک کرنے تک ایک ہموار تجربہ فراہم کرے گا۔
یہ نیا فیچر ٹک ٹاک کی مضبوط اندرونی تحقیق پر مبنی ہے، جو فلم بینوں پر اس پلیٹ فارم کے اثر و رسوخ کو ظاہر کرتی ہے، اکتوبر 2023 میں ٹک ٹاک مارکیٹنگ سائنس کی تحقیق کے مطابق، تقریباً 50 فیصد امریکی صارفین نے بتایا کہ انہوں نے پلیٹ فارم پر نئی تھیٹر ریلیز کے بارے میں جانا، جس کے بعد 36 فیصد نے محسوس کیا کہ اس میں کچھ نئے فیچر کی ضرورت ہے۔
اب ایپ کے اندر ہی ٹکٹ خریدنے کا عمل شامل کیا گیا ہے جس سے صارفین کو کسی الگ ویب سائٹ پر جانے کی ضرورت نہیں پڑے گی۔
واضح رہے کہ فلم اسٹوڈیوز کافی عرصے سے ٹک ٹاک کو پروموشن کے لیے استعمال کر رہے ہیں، اور ماضی کی تحقیق سے ظاہر ہوتا ہے کہ ٹک ٹاک مہمات اور ٹکٹ کی خریداری کے درمیان مضبوط تعلق ہے۔ ٹک ٹاک اسپاٹ لائٹ کے ذریعے فعال یہ نیا فیچر ایڈورٹائزنگ کے اخراجات پر زیادہ براہ راست اور قابل پیمائش منافع پیش کرتا ہے۔
