وفاقی دارالحکومت میں درائیونگ لائسنس کے بنوانے کے خواہشمند افراد کے لیے بڑی خوشخبری آگئی۔
وفاقی دارالحکومت اسلام آباد ٹریفک پولیس نے شہریوں کی سہولت کے لیے “آن لائن ای لرنرز پرمٹ” کا باقاعدہ آغاز کر دیا ہے۔
شہری بغیر کسی دشواری کے گھر بیٹھے با آسانی اپنا لرنرز پرمٹ حاصل کر سکتے ہیں۔
چیف ٹریفک آفیسر کیپٹن (ر) حمزہ ہمایوں نے کہا کہ اسلام آباد پولیس شہریوں کی آسانی اور سہولت کے لیے جدید اقدامات جاری رکھے ہوئے ہے۔
گزشتہ روز آئی جی اسلام آباد نے ڈرائیونگ لائسنس بنوانے کی مدت میں 7 روز کی توسیع کی تھی۔
اسلام آباد کے شہریوں کے لیے بڑی خوشخبری!
اسلام آباد ٹریفک پولیس نے شہریوں کی سہولت کے لیے “Online E-Learners Permit” کا باقاعدہ آغاز کر دیا ہے۔
شہری بغیر کسی دشواری کے گھر بیٹھے با آسانی اپنا لرنرز پرمٹ حاصل کر سکتے ہیں۔ اسلام آباد پولیس شہریوں کی آسانی اور سہولت کے لیے جدید… pic.twitter.com/Mkf4kKtHj4
— Islamabad Police (@ICT_Police) September 26, 2025
آئی جی اسلام آباد نے ڈرائیونگ لائسنس بنوانے کی مدت میں توسیع کرتے ہوئے کہا تھا کہ شہری 7 اکتوبر تک ہر صورت اپنا ڈرائیونگ لائسنس بنوائیں۔
یہ پڑھیں: ڈرائیونگ لائسنس بنوانے والے شہریوں کی بڑی مشکل آسان ہوگئی
اس سے قبل آئی جی اسلام آباد کی زیرصدارت پبلک سروس ڈلیوری کے حوالے سے اہم اجلاس منعقد ہوا تھا، جس میں شہریوں کو سہولتیں فراہم کرنے اور ٹریفک نظام کو مزید مؤثر بنانے کے لیے بڑے فیصلے کیے گئے تھے۔
ترجمان اسلام آباد پولیس نے بتایا تھا کہ آئی جی نے لائسنس کے اجرا کے عمل کو مزید تیز کرنے اور عوام کو سہولیات مہیا کرنے کی ہدایات جاری کیں۔
