آئی سی سی ٹی20 ورلڈکپ میں بنگلادیش کی شرکت کا معاملہ گھمبیر رخ اختیار کرتا جارہا ہے ، اس سلسے میں حتمی فیصلہ 21 جنوری کو ہوگا۔
کرکٹ ویب سائٹ کرک انفو کے مطابق ٹی20 ورلڈکپ میں بنگلادیشی ٹیم کی شرکت سے متعلق حتمی فیصلہ 21 جنوری کو ہوگا، بنگلادیش اپنے میچز کہاں کھیلےگا؟ بھارت جائے گا یا نہیں؟ اس حوالے سے آئی سی سی فیصلہ سنائے گی۔
آئی سی سی نے ڈھاکا میں ہونے والی میٹنگ میں بی سی بی کو آخری تاریخ کے بارے میں بتایا، ہفتہ کو ڈھاکا میں ہونے والے اجلاس میں بنگلادیش نے بھارت نہ جانے کی بات دہرائی تھی۔
بی سی بی نے انٹرنیشنل کرکٹ کونسل کے وفد کے سامنے بھارت میں سیکیورٹی خدشات کا مؤقف دہرایا ہے، بنگلادیش جو کہ ٹی20 ورلڈکپ کے گروپ سی میں موجود ہے اس کے تمام میچز بھارت میں شیڈول ہے۔
بھارتی بورڈ نے مودی سرکار کے حکم پر بنگلادیشی بولر کو آئی پی ایل سے نکالا تھا، مستفیض الرحمان کو نکالنے پر بنگلادیش نے بھارت میں ورلڈکپ کھیلنے سے انکار کیا تھا۔
بنگلا دیش کا مسئلہ حل نہیں ہوا تو پاکستان ٹی ٹوئنٹی ورلڈکپ میں شرکت کا جائزہ لےگا، میڈیا رپورٹس
