لاہور موٹروے پر ایم ون پشاور سے رشکئی تک شدید دھند کی وجہ سے بڑی گاڑیوں کا داخلہ بند کردیا گیا ہے، شہری سوچ سمجھ کر گھروں سے باہر نکلیں۔
تفصیلات کے مطابق ترجمان سنٹرل ریجن کے مطابق موٹروے کے مختلف مقامات پر سر شام ہی دھند چھا گئی تھی۔
ترجمان سنٹرل ریجن کے مطابق شدید دھند کی وجہ سے پنڈی بھٹیاں سے گوجرہ تک کا راستہ بند کردیا گیا ہے۔
لاہور ملتان موٹروے ایم 3 دھند کی وجہ سے بند کردی گئی جبکہ بڑی گاڑیوں کے لیے موٹر وےایم 2 لاہور سے کوٹ مومن تک بند ہے۔
ترجمان نے کہا کہ موٹروے ایم 4 پنڈی بھٹیاں سے ملتان تک دھند کی وجہ سے بند ہے، اس کے علاوہ ایم4 باہو انٹرچینج سے فیصل آباد انٹر چینج تک ٹریفک کیلئے بند کردی گئی۔
موٹروے سینٹرل ریجن کے مطابق موٹروے ایم 5 ملتان سے روہڑی تک دھند کی وجہ سے بند رہے گی۔
