پاکستان پیپلز پارٹی کے سی ای سی اجلاس کا احوال سامنے آگیا، حکومتی حلیف پارٹی کے بیشتراراکین نے تحفظات کا اظہار کیا ہے۔
ذرائع نے بتایا کہ صدر آصف زرداری وفاقی حکومت یا ن لیگ کیخلاف کوئی بھی فیصلہ لینے کے حق میں نہیں تھے، پاکستان مسلم لیگ ن کے طرز حکومت اور پنجاب حکومت سے پیپلزپارٹی کے اراکین ناخوش تھے۔
ن لیگ اور وفاقی حکومت سے پی پی پی کے بیشتراراکین سی ای سی نے تحفظات کا اظہار کیا، صدر آصف علی زرداری نے کہا کہ مجھےایک ماہ کاوقت دیں، تمام معاملات درست ہوجائیں گے۔
یہ بھی پڑھیں: پیپلزپارٹی اور ن لیگ کے درمیان تلخیاں دوستی میں بدل گئیں
آصف زرداری نے کہا کہ سی ای سی کا اجلاس ایک مہینہ بعد دوبارہ رکھ لیں، انھوں نے سی ای سی ارکان کو آگاہی دی کہ وزیراعظم، نائب وزیراعظم نے مسائل کے حل کا وعدہ کیا ہے۔
ذرائع نے مزید بتایا کہ صدر آصف علی زرداری کی درخواست پر سی ای سی ارکان نے وفاقی حکومت کو ایک مہینے کا وقت دیا ہے۔
وزیر اعظم شہباز شریف نے آزاد کشمیر کے شہریوں سے ایک اور وعدہ پورا کر دیا
