پسرور: شہر کو درپیش سیلابی صورتحال کے باعث سیالکوٹ میں 29 اور 30 اگست کو تعلیمی ادارے بند رکھنے کا فیصلہ کیا گیا ہے۔
پاکستان کے طول و عرض میں حالیہ سیلابی صورتحال نے بتاہی مچادی ہے، میدانی علاقوں اور دیہاتوں سمیت کئی شہر بھی سیلابی پانی کے شدید نشانے پر ہیں جبکہ بارشوں سے سب سے زیادہ سیالکوٹ متاثر ہوا ہے جہاں محض 48 گھنٹوں میں 512 ملی میٹر بارش ہوئی ہے۔
سیلابی پانی کے باعث شہر کی دگرگوں حالت اور موجودہ صورتحال کے باعث سیالکوٹ میں 29 اور 30 اگست کو تعلیمی ادارے بند رہیں گے۔
Latest Pakistan Floods News
ڈپٹی کمشنر کی جانب سے شہر میں کل اور پرسوں تعلیمی اداروں کی بندش سے متعلق نوٹیفکیشن بھی جاری کردیا گیا ہے۔
خیال رہے کہ صوبہ پنجاب کے شہر سیالکوٹ میں 48 گھنٹوں کے دوران 512 ملی میٹر کی ریکارڈ توڑ بارش ہوئی ہے جس سے شہر اور مضافاتی علاقے جل تھل ہوگئے ہیں۔
یہ بھی پڑھیں: مون سون ہوائیں پاکستان میں داخل، شدید بارشوں کا الرٹ جاری
ڈی سی صبا اصغر کہ اڑتالیس گھنٹوں کے دوران پانچ سو بارہ ملی میٹر کی بارش ہوئی ہے، جس سے اربن ایریاز میں بہنے والے 3 نالوں سے پانی اوور فلو ہو رہا ہے۔
ڈپٹی کمشنر کے مطابق سیالکوٹ میں پہلی بار اس قسم کا سیلاب آیا ہے، اربن ایریاز میں گزشتہ روز کشتیاں چلائی گئی ہیں، ایسے حالات میں سیلاب متاثرین کی ہر ممکن مدد یقینی بنانے کی کوشش کی جا رہی ہے۔
