شوبز انڈسٹری کی معروف اداکارہ سلمیٰ حسن نے انکشاف کیا ہے کہ شوہر نے طلاق نہیں دی میں نے خلع لی تھی۔
سلمیٰ حسن ایک ورسٹائل اور باصلاحیت پاکستانی ٹیلی ویژن اداکار ہیں جنہوں نے اپنے شوبز کیریئر کا آغاز مشہور پاکستانی سٹ کام کے ذریعے کیا، ان کے دیگر قابل ذکر ڈرامے مجھے پیار ہوا تھا اور بھرم ہیں۔
سلمیٰ حسن ایک بیٹی فاطمہ کی والدہ ہیں، اداکار نے پہلے پروڈیوسر، میزبان اور اداکار اظفر علی سے شادی کی تھی لیکن اظفر کی پاکستانی اداکارہ نوین وقار سے شادی کی وجہ سے دونوں نے علیحدگی اختیار کرلی۔
حال ہی میں اداکارہ نے نجی ٹی وی کے مارننگ شو میں شرکت کی اور اس دوران شوہر کے ساتھ اختلافات کے بارے میں بات کی جس سے وہ جذباتی طور پر متاثر ہوئیں۔
یہ پڑھیں: سلمیٰ حسن طلاق کے بعد دوسری شادی نہ کرنے کے ذکر پر آبدیدہ ہوگئیں
اداکارہ کے مطابق چوں کہ وہ ایک بیٹی کی ماں تھیں، اس لیے وہ اپنی بیٹی کے مستقبل اور بہتر پرورش کے لیے شادی کو ختم کرنے پر مجبور ہوئیں، کیوں کہ وہ بیٹی کو اچھا سبق دینا چاہتی تھیں۔
انہوں نے شادی ختم کرنے کے سبب پر ذو معنی الفاظ میں بتایا کہ ان کے شوہر نے کسی اور کا انتخاب کرلیا تھا، تاہم انہوں نے یہ واضح نہیں کیا کہ ان کے شوہر نے کس اور کیوں انتخاب کیا تھا۔
اداکارہ نے کہا کہ میری بیٹی فاطمہ نے صرف 8 ماہ کی عمر میں مختلف جذبات کا اظہار کرنا شروع کیا، مثال کے طور پر وہ زمین پر لیٹی ہوئی تھی، اوپر پھینکتی تھی اور سانس روکتی تھی، یہ وہ وقت تھا جب اظفر کے ساتھ میرے اختلافات شروع ہوئے اور اس کی وجہ سے اس کی جذباتی صحت متاثر ہو رہی تھی۔
انہوں نے بتایا کہ متعدد ماہر نفسیات سے رجوع کرنے کے بعد فاطمہ نے بتایا کہ اس کے ساتھ کوئی مسئلہ نہیں ہے لیکن اس کی جذباتی تبدیلیوں کی اصل وجہ یہی ہے۔
