پی ایس ایل 11 میں پشاور زلمی کے اسپنر سفیان مقیم نے ٹورنامنٹ میں نئی تاریخ رقم کردی۔
سفیان مقیم پی ایس ایل میں ناصرف سب سے زیادہ وکٹیں لینے والے بولر بن گئے ہیں بلکہ پانچ میچوں میں کم سے کم تین یا اس سے زیادہ وکٹیں بھی حاصل کی ہیں۔
سفیان مقیم نے میچ کے بعد کہا کہ میں میچ کے دوران افتخار احمد سے گفتگو کرتا رہتا ہوں اور جہاں وہ بولنگ کرتے ہیں وہی میں بھی کرتا ہوں۔
پشاور زلمی نے آج کے میچ میں کوئٹہ گلیڈی ایٹرز کو باآسانی 8 وکٹوں سے شکست دی ہے اور سفیان کو میچ کا بہترین کارکردگی دیا گیا ہے۔
یہ پڑھیں: ’سفیان مقیم کے ساتھ سلیکٹرز زیادتیاں بند کریں‘
زلمی کی ٹیم پی ایس ایل اب تک 13 پوائنٹس کے ساتھ ناقابل شکست ہے، پشاور نے 7 میچ کھیلے ہیں چھ میں کامیابی حاصل کی اور ایک میچ بارش کی نذر ہوا ہے۔
بابر اعظم نے میچ کے بعد میڈیا سے گفتگو کرتے ہوئے کہا کہ سفیان سمیت تمام بولر تسلسل کے ساتھ پرفارم کررہے ہیں، بطور ٹیم ہماری کارکردگی شاندار ہے۔
ان کا کہنا تھا کہ اپنی فارم سے متعلق بہت اچھا محسوس کررہا ہوں، کوشش یہی ہے اپنے اعتماد سے جیت میں کردار نبھاتا رہوں۔
