جے یو آئی (ف) سربراہ مولانا فضل الرحمان کا کہنا ہے کہ ایران کو سر کرنے کے بعد اسرائیل پاکستان کے دروازے پر کھڑا ہوجائے گا۔
اے آر وائی نیوز کے مطابق جے یو آئی سربراہ مولانا فضل الرحمان کا حالیہ بیان میں کہنا ہے کہ ہمیں سیاست مت سکھاؤ بلکہ ہم سے سیکھو، ہم پاک سعودی عرب دفاعی تعاون مزید آگے بڑھانے کی بات کررہے ہیں۔
انہوں نے کہا کہ امت کے آپس میں جنگ کا نہیں وحدت کا وقت ہے، ہم نفرت اور تعصب کے قائل نہیں ہیں۔
مولانا فضل الرحمان نے کہا کہ ہم نفرت کی سیاست دفن اور اصولوں کی سیاست کرتے ہیں، ملک کا نظإ و ضبط چلانے والے اداروں کا احترام کرتا ہوں۔
جے یو آئی سربراہ نے کہا کہ اصولوں سے تجاوز کریں گے تو مقابلہ کرنے کے لیے بھی تیار ہیں۔
انہوں نے مزید کہا کہ اب فیصلے ایوان میں نہیں میدان میں ہوں گے، ملک میں انسانی حقوق کا تحفظ اور امن چاہیے، مہنگائی کے خلاف مظاہرہ امریکا، ایران مذاکرات کی وجہ سے مؤخر کیا تھا۔
