اسلام آباد (5 ستمبر 2025): اسلام آباد کی عدالت میں انوکھا واقعہ سامنے آیا جہاں ملزم کی جگہ اس کا دوست پیش ہوگیا۔
ایڈیشنل ڈسٹرکٹ اینڈ سیشن جج جہانگیر اعوان کی عدالت میں ایک کیس کی سماعت کے دوران ملزم کا دوست اس کی جگہ پیش ہوا تاہم جب عدالت نے ملزم کی گرفتاری کا حکم جاری کیا تو وہ خوفزدہ ہوا اور سچ بول دیا۔
گرفتاری کے حکم پر شاہد کریم نے بتایا کہ وہ اصلی ملزم بلال خان نہیں ہے۔ اس نے بتایا کہ مجھے بلال خان نے کہا تھا پیش ہو جانا کچھ نہیں ہوگا۔
یہ بھی پڑھیں: دوشیزہ سے جنسی زیادتی پر ہسپانوی عدالت کا انوکھا فیصلہ
عدالت نے ملزم بلال خان کے دوست شاہد کریم کی گرفتاری کا حکم دے دیا۔ ملزم کی ضمانت قبل از گرفتاری عدالت میں زیر سماعت تھی۔
عدالت نے مچلکے جمع نہ کروانے پر ضمانت قبل از گرفتاری خارج کرتے ہوئے ملزم بلال کو گرفتار کرنے کا حکم جاری کر دیا۔
