سابق کرکٹر باسط علی نے کہا ہے کہ آسٹریلیا جب بھی گروپ اسٹیج سے باہر ہوتا ہے تو پاکستان فائنل جیتتا ہے آسٹریلیا کا ٹورنامنٹ سے باہر ہونا پاکستان کےلیے اچھی خبر ہے۔
اے آر وائی نیوز کے پروگرام ’ہر لمحہ پرُجوش‘ میں باسط علی نے کہا کہ صاحبزادہ فرحان کو ہٹانے کی باتیں ہو رہی ہیں کہ غلط شاٹ کھیلا، انہوں نے دو میچ میں پرفارم کیا 120رنز بھی بنائے، کیا بابراعظم صحیح شاٹ کھیل کر آؤٹ ہوا تھا؟
پروگرام میں شعیب ملک نے قومی ٹیم کے ہیڈ کوچ مائیک ہیسن پر طنز کرتے ہوئے کہا کہ ٹیم کامسئلہ یہ ہے اسٹوڈنٹس اپنے ٹیچر سے زیادہ قابل ہیں۔
ٹی 20 ورلڈ کپ میں زمبابوے اور آئرلینڈ کا میچ بارش کے باعث منسوخ کردیا گیا۔
پالی کیلے میں کھیلا جانے والے آئرلینڈ اور زمبابوے کے میچ میں بارش کے باعث ٹاس بھی ممکن نہ ہوسکا، زمبابوے نے 5 پوائنٹس کے ساتھ سپر 8 مرحلے کے لیے کوالیفائی کرلیا۔
آسٹریلیا کی ٹیم ٹی 20 ورلڈ کپ سے باہر ہوگئی، کینگروز ٹیم تین میں سے صرف ایک میچ جیت سکی ہے۔ آسٹریلیا کا صرف ایک میچ باقی ہے اگر کینگروز وہ میچ جیت بھی جائیں تب بھی صرف مجموعی طور پر چار پوائنٹس حاصل کر پائیں گے۔
